Рафаэль Уразбахтин Лига чемпиондарына шыққаны үшін көлік сыйға алды

Алматылық «Қайраттың» бас бапкері Рафаэль Уразбахтин Чемпиондар лигасының топтық кезеңіне шыққан жетістігі үшін қымбат сыйлыққа ие болды.

«Astana Motors» компаниясының негізін қалаушы Нұрлан Смағұлов маманға Hyundai Palisade автокөлігін тарту етті. Бұл көліктің бағасы Қазақстандағы нарықта жиынтығына байланысты 28–33 миллион теңге аралығында.

Еске сала кетейік, «Қайрат» сенсация жасап, Шотландияның «Селтигін» екі матч қорытындысы бойынша жеңіп, Чемпиондар лигасының топтық кезеңіне өтті. Алдағы қарсыластары арасында мадридтік «Реал», лондондық «Арсенал» және миландық «Интер» секілді Еуропаның алпауыт клубтары бар.