«Рейнджерс» марокколық шабуылшысы бапкермен жанжалдан кейін «Лильге» ауысты

«Рейнджерс» марокколық шабуылшы Хамза Игаманның француздық «Лильге» ауысқанын жариялады — трансфер сомасы жарияланған жоқ.

22 жастағы шабуылшы өткен жазда марокколық «АС ФАР» клубынан шотландық клубқа ауысып, алғашқы маусымында 16 гол соқты. Ағымдағы маусымда ойыншы тек үш матчта қосалқы құрамнан шықты — оның болашағы ұзақ уақыт бойы талқылау тақырыбына айналды.

Марокколық ойыншының «Рейнджерс» құрамындағы соңғы ойыны жанжалмен аяқталды — бас бапкер Расселл Мартин футболшының «Сент-Миррен» қарсы матчта жарақатқа сілтеме жасап, ауыстыруға шығудан бас тартқанын мәлімдеді.

«Мен командаға жеңіске жету және ең жоғары деңгейге көтерілуге көмектесу үшін алаңда барымды саламын», — деді Игаман.

«Бұл дамуға үлкен әлеуеті бар толыққанды шабуылшы. Оң нәтижеге жету үшін шыдамдылық қажет болды, бірақ тараптар арасындағы табандылық пен сенім мұны мүмкін етті», — деп түсініктеме берді «Лилль» президенті Оливье Летанг.