Темірлан Анарбеков «Селтикке» қарсы жеңіс үшін ерекше сыйлық алды

21 жастағы «Қайрат» қақпашысы Темірлан Анарбеков Чемпиондар лигасының іріктеу кезеңінде «Селтикке» қарсы матчтың басты қаһарманы атанып, алматылық клубты топтық кезеңге алып шықты.

Ойыннан кейін жас қақпашыға ерекше сыйлық табысталды. «Astana Motors» компаниясының негізін қалаушы Нұрлан Смағұлов «Қайрат» бас бапкері Рафаэль Уразбахтинмен және Анарбековпен арнайы кездесті. Кездесуде бас бапкерге автокөлік тарту етілсе, Анарбековке Apple Macbook ноутбугі берілді.

Айта кетейік, қақпашы шешуші кездесудің пенальти сериясында үш соққыны қайтарып, командасына тарихи жолдаманы сыйлады. Енді «Қайраттың» қарсыластарының арасында «Реал», «Арсенал», «Интер» секілді Еуропаның алып клубтары бар.