Дерби Каунти Шотландия құрамасының қорғаушысы Макс Джонстонмен келісімшарт жасасты

Ағылшын клубы Дерби Каунти австриялық Штурмнан Шотландия құрамасының қорғаушысы Макс Джонстонды қатарына қосты — клубтың ресми сайты хабарлайды.

21 жастағы футболшы ұлттық құрамада Грекияға қарсы ойында дебют жасаған болатын, енді ол төрт жылдық келісімшартқа қол қойды. Джонстон бас бапкер Джон Юстастың жазғы он екінші трансфері болды.

«Мен ауысудан өте қуаныштымын. Біраз күтуге және сабыр сақтауға тура келді, бірақ келісімді аяқтай алғанымызға қуаныштымын», — деді Джонстон.

Австрияда өткізген екі маусымда қорғаушы екі чемпиондық атақ пен елдің Кубогын жеңіп алды. Штурмға дейін ол шотландиялық Мазервеллде ойнаған.

Футболшының әкесі Аллан да Англияда ойнағаны қызық — ол Сандерленд пен Мидлсброда өнер көрсетіп, сондай-ақ Бирмингем, Болтон және Шеффилд Уэнсдейде жалға алынған болатын.