Алекс Оксләйд-Чемберлен «Бешикташпен» келісімшартын мерзімінен бұрын бұзды

Алекс Оксләйд-Чемберлен мен түрік «Бешикташы» келісімшартты мерзімінен бұрын бұзу туралы келісімге келді — клуб футболшыға 1,75 миллион еуро көлемінде өтемақы төлейді.

32 жастағы жартылай қорғаушы екі жыл бұрын «Ливерпульден» кеткеннен кейін еркін агент ретінде стамбулдық командаға қосылған болатын. Түркияда өнер көрсеткен кезеңінде Оксләйд-Чемберлен 50 матч өткізіп, бес гол соқты және команданың ел Кубогын жеңіп алуына көмектесті.

«Саутгемптон» тәрбиеленушісі «Ливерпуль» құрамында ең жарқын өнер көрсетті — 2020 жылы ол Англия чемпионы атанды. Алайда тізесінің күрделі жарақаттары әлеуетін толық ашуға кедергі келтірді: «Энфилдтегі» алты жыл ішінде жартылай қорғаушы 146 матч өткізіп, 18 гол соқты.