Дортмунд «Боруссиясы» «Челсидің» жас талантын 24 миллионға сатып алды

Дортмунд «Боруссиясы» лондондық «Челсиден» Карни Чуквуэмеканы трансферледі — мәміле сомасы шамамен 24 миллион фунт стерлингті құрады.

21 жастағы шабуылшы жартылай қорғаушы өткен маусымның екінші жартысын неміс клубында арендада өткізіп, дортмундтықтармен бес жылдық келісімшартқа қол қойды.

«Челси» сонымен қатар қорғаушы Аарон Ансельминоны Дортмундқа арендаға жібереді — ойыншы мәмілені аяқтау үшін Германияға аттанды.

Чуквуэмеканы сату «Челсиге» биылғы жазда трансферлерден түскен табысты 270 миллион фунтқа дейін көбейтуге көмектесті — бұл клубтың жаңа ойыншыларды сатып алуға жұмсаған 277 миллион шығынын іс жүзінде өтейді.