Дастан Сатпаев «Қайраттың» Чемпиондар лигасындағы тарихи жетістігіне үн қатты

Қазақстан құрамасы мен алматылық «Қайраттың» шабуылшысы Дастан Сатпаев өз клубының тарихи жетістігіне әлеуметтік желілерде үн қатты.

Рафаэль Оразбахтиннің шәкірттері тарихта алғаш рет Чемпиондар лигасының топтық кезеңіне өтті — плей-офф кезеңінің қайтару матчында шотландиялық «Селтикті» пенальти сериясында жеңді.

«Alhamdullilah», — деп жазды Сатпаев Instagram Stories-те, Чемпиондар лигасының әнұранымен қатар матч нәтижесінің суретін жариялап.

17 жастағы шабуылшы шешуші матчта дисквалификация себебінен командасына көмектесе алмады — келесі жазда талантты форвард лондондық «Челсиге» ауысады.