Путинцева US Open бірінші айналымында жеңіске жетті

Юлия Путинцева АҚШ-тың Ашық чемпионатындағы өнерін сәтті бастады — WTA рейтингінде 54-орында тұрған қазақстандық теннисші турнирдің алғашқы матчында жеңіске жетті.

Бірінші айналымда Путинцева әлемдік рейтингте 87-орында тұрған италиялық спортшы Элизабетта Коччареттомен кездесті — матч 6:4, 7:6 есебімен қазақстандық спортшының пайдасына шешілді.

Атап өтерлігі, бірінші сетте Путинцева әсерлі қайтарым жасады — есеп 1:4 болған кезде ол ойын барысын өзгертіп, партияны жеңіспен аяқтады.

Өткен жылғы US Open турнирінде Қазақстан өкілі үшінші айналымға дейін жетті — сол кезде ол Линда Носкова мен Ван Синьюйді жеңіп, Жасмин Паолиниге жол берген болатын.