«Честерфилд» клубының бірлескен иесі Фил Кирк қайтыс болды

Ағылшын футбол клубы «Честерфилд» команданың бірлескен иесі Фил Кирктің қайтыс болғанын хабарлады — бизнесмен 59 жасында дүниеден өтті.

Фил Кирк өзінің бауыры Эшлимен бірге 2022 жылы клубтың бірлескен иесі болған — осы уақыт ішінде команда айтарлықтай жетістіктерге жетті. Биылғы наурыз айында бизнесменнен онкологиялық ауру табылып, ем қонбағаннан кейін ол паллиативті көмек бөліміне ауыстырылған.

«Бұл жаңалықты терең қайғырумен хабарлаймыз. Біздің ойымыз қазір Филдің отбасы мен достарымен бірге», — делінген клубтың мәлімдемесінде.

Қазіргі уақытта «Честерфилд» 2-ші Лигада екінші орында тұр, маусымның алғашқы бес ойынының төртеуінде жеңіске жеткен.