Марк Маркес MotoGP Венгрия кезеңінде жетінші жеңісін тойлады

Ducati зауыттық командасының пилоты Марк Маркес жарыстың бірінші айналымындағы қиындықтарға қарамастан Венгрия Гран-приінде жеңіске жетті.

Старт алдында шиеленісті жағдай туындады — механиктер Фабио Ди Джанантонионың мотоциклінде проблемалар анықтап, пилот қосалқы байкпен пит-лейннен бастауға мәжбүр болды.

Жарыс басында Марко Беццекки бірінші бұрылыстан шыға бере Маркестен озып, көш бастады. Екінші бұрылыста болған түйісуден кейін испандық үшінші орынға түсіп қалды, бірақ бесінші айналымда Франко Морбиделлиді басып озып, көшбасшыны қуып жетуге кірісті.

11-ші айналымда Маркес шешуші озу әрекетін жасап, жарысты жеңіспен аяқтады. Екінші орынды KTM-нің пилоты Педро Акоста иеленсе, Беццекки үшінші орынға тұрақтады.

Aprilia командасының пилоты Хорхе Мартин әсерлі өнер көрсетті — 16-шы позициядан төртінші орынға дейін көтерілді. Алекс Маркес тек 14-ші орынды иеленді, бұл оның ағасына чемпионаттағы басымдығын 175 ұпайға дейін ұлғайтуға мүмкіндік берді.