Трамптың Овал кабинетінен клубтық әлем чемпионатының трофейі табылды

BBC Sport хабарлауынша, Ақ үйдің Овал кабинетінде клубтық әлем чемпионатының трофейі табылды — оны Дональд Трамптың әлем көшбасшыларымен кездесуінің суретінен байқады.

Трамп АҚШ-та турнирді өткізгені үшін алғыс ретінде кубокты қалдыруға рұқсат берілгенін мәлімдеді.

«Мен трофейді қашан алып кетеді деп сұрағанымда, ешқашан деп жауап берді. Оны Овал кабинетте сақтай беруіме болады, олар жаңасын жасайды деді», — деді президент DAZN-ге берген сұхбатында.

ФИФА жағдайды нақтылады — трофейдің үш нұсқасы бар:
* Түпнұсқасы Цюрихтегі ФИФА штаб-пәтерінде сақтаулы
* Көшірмесі турнир жеңімпазы — «Челсиде»
* Үшінші нұсқасы турнирді қабылдаған АҚШ-қа берілген

Марапаттау рәсімі кезінде оғаш жағдай орын алды — Трамп «Челси» капитаны Рис Джеймске кубокты тапсырғаннан кейін сахнада қалып қойды, бұл команда ойыншыларын абдыратты.