Екі дүркін олимпиада чемпионы Жалолов IBF рейтингінде позициясын жоғалтты

Өзбекстандық ауыр салмақтағы боксшы Баходир Жалолов (15-0, 14 КО) Халықаралық бокс федерациясының (IBF) жаңартылған рейтингінде 12-орыннан 13-орынға түсті.

Екі дүркін олимпиада чемпионы биыл кәсіби рингте бір ғана жекпе-жек өткізді — сәуір айында Астанада украиналық Игорь Шевадзуцкийді (12-3, 10 КО) төрешілердің бірауызды шешімімен жеңді.

Нью-Йоркте шілде айына жоспарланған италиялық Джанмарко Кардилломен (12-1-2, 2 КО) кездесу өтпей қалды — қарсыласы денсаулығына байланысты жекпе-жектен бас тартты.

Токио-2020 және Париж-2024 алтын медальдарының иегері Дүниежүзілік бокс кеңесінің (WBC) рейтингінде де бір позициясын жоғалтып, сегізінші орынға түсті.