Динамоның бас директоры ресейлік футболшыларға басымдық беретінін айтты

Мәскеу «Динамосының» бас директоры Павел Пивоваров Ресей Премьер-Лигасындағы легионерлерге қойылған жаңа лимит туралы пікір білдірді, деп хабарлайды РБ Спорт.

«Чемпионаттың деңгейін анықтау өте қиын, себебі біз ресми жарыстарда шетелдік қарсыластармен ойнамаймыз. Жаңа лимит – бәрімізге неге назар аудару керектігін көрсететін белгі: ресейлік футболшыларды тәрбиелеп, оларға ойын уақытын беру»

Ақ-көктердің басшысы клуб соңғы жылдары сәтті жүзеге асырылып келе жатқан отандық ойыншыларды дамыту стратегиясын жалғастыратынын атап өтті.