Soccer365 Қайраттың Селтикпен матчында ірі жеңілісін болжады

Ресейлік Soccer365.ru порталы Чемпиондар лигасының плей-офф кезеңіндегі «Селтик» пен «Қайрат» арасындағы алдағы матчқа талдау жасады.

Шотландық клуб екі негізгі шабуылшысынан айырылғанына қарамастан, матчқа оңтайлы күйде келеді — команда жеті бақылау кездесуін өткізіп, ұлттық біріншілікте қатарынан үш жеңіске жетті. «Кельттер» өткен маусымда турнирде сәтті өнер көрсетіп, «Бавариямен» лайықты күрес жүргізді.

«Слованды» пенальти сериясында жеңген «Қайрат» басты еурокубоктың плей-офф кезеңіне жеткен ҚПЛ-дің тарихтағы үшінші өкілі болды. Алматы клубы матчқа белгілі бір қиындықтармен келеді — Громыконың дисквалификациясы және сырт алаңдағы сенімсіз нәтижелер, мұнда команда ағымдағы турнирде екі жеңіліс пен бір тең ойын көрсетті.

«Селтик жеңеді деп болжаймыз. Болжам: 3:0», — деп қорытындылайды басылым.