McLaren пилоты Пиастри балалар қайырымдылық қорының елшісі атанды

Formula 1 пилоты Оскар Пиастри My Room Children’s Cancer Charity қайырымдылық қорының елшісі ретінде ынтымақтастықтың басталғанын жариялады.

Австралиялық жүргізуші бұл шешімді өзінің туған жеріндегі Гран-приде сирек кездесетін лейкемиямен күресіп жатқан алты жасар Круз Сеуманутафамен танысқаннан кейін қабылдады.

«Бұл керемет болды — нағыз орындалған арман. Оның әкесі Formula-1 жанкүйері болған, сондықтан балалары да жарысты ұнатады», — деді Круздың анасы Лорен.

Альберт-паркте жас жанкүйермен кездесу Пиастриді қайырымдылық ұйымымен тығыз байланыс орнатуға шабыттандырды — жүргізуші баланың денсаулық жағдайын бақылауды жалғастыруда.

Бұған дейін McLaren пилоты өткен маусымдағы жарыс дулығасын қорға тапсырған болатын — ол ұйымға қаражат жинау үшін қайырымдылық аукционына қойылады.