Путин Магадан облысының ең ірі спорт кешенінде болды

Kremlin.ru хабарлағандай, Владимир Путин Магадан облысының әкімі Сергей Носов және мекеме директоры Максим Смирновпен бірге Магадандағы «Президенттік» спорт кешенін аралады.

Сапар барысында мемлекет басшысы балалар хоккей командасының тәрбиеленушілерімен кездесті — президент жас спортшылармен қол алысып, олардың жаттығудағы жетістіктерін сұрады.

«Қане, көрсетші!» — деп Владимир Путин хоккейшілердің біріне қарата айтты.

«Қане, балалар, біраз сырғанап, көрсетіңдерші» — деп президент қалған спортшыларға ұсыныс жасады.

Ауданы 19,5 мың шаршы метр «Президенттік» спорт кешені аймақтағы ең ірі спорт нысаны болып табылады. Ғимарат бір мезетте 248 спортшы мен 600 көрерменді қабылдай алады.

Кешен құрамына кіретіндер:

• Әмбебап спорт залы
• Мұз аренасы
• 8 жолақты 25 метрлік бассейн
• Су сырғанақтары бар бассейндер кешені
• Бокс және фитнес залдары
• Үстел теннисі мен йогаға арналған бөлмелер
• Жаттығу залы