АПЛ-дің экс-төрешісі Дэвид Кут Клопп туралы пікірі үшін дисквалификация алды

Англияның футбол қауымдастығы Дэвид Кутты сегіз аптаға дисквалификациялау туралы шешім қабылдады — АПЛ-дің бұрынғы төрешісі Юрген Клоптың ұлты туралы дұрыс емес пікірлер айтқан.

2020 жылдың жазында түсірілген дау тудырған бейне өткен жылдың қарашасында желіге түсті — осыдан кейін Кут жұмыстан шеттетіліп, бір айдан соң Кәсіби төрешілер ұйымынан (PGMOL) шығарылды.

«Мен терең өкініш білдіремін және менің пікірлерімнің орынсыз әрі дөрекі болғанын мойындаймын», — деді Дэвид Кут тыңдау кезінде.

Ағымдағы дисквалификациядан бөлек, 42 жастағы экс-төреші білім беру бағдарламасынан өтуі тиіс. Бұған дейін УЕФА да Кутты Еуро-2024-тегі басқа оқиғаға байланысты 2026 жылдың ортасына дейін еуропалық турнирлерден шеттеткен.

Осы жылдың басында Дэвид Кут каминг-аут жасап, қудалаудан қорқып, мансабы бойы өзінің бағдарын жасырып келгенін мойындады.