ЦСКА Файзуллаевтің трансфері үшін түрік клубынан ақша күтуде

Sport-express.ru хабарлауынша, мәскеулік ЦСКА әлі де Аббосбек Файзуллаевтің «Истанбул Башакшехирге» трансфері үшін қаражат түсуін күтуде.

«Әзірге ЦСКА «Башакшехирден» Аббос Файзуллаевтің трансфері үшін ақша алған жоқ. Біз түрік клубымен хат алмасып, белгілі бір мәселелерді реттеудеміз. Оларды [ақшаны] осы аптада күтеміз», — деді ЦСКА-ның коммуникация жөніндегі директоры Кирилл Брейдо.

Өзбекстан құрамасының 21 жастағы жартылай қорғаушысының трансфер сомасы 7,5 миллион еуроны құрайды — төлем бір траншпен түсуі тиіс. Ағымдағы маусымда футболшы РПЛ-да 27 матч өткізіп, екі гол мен төрт нәтижелі пас берді, сондай-ақ әскери клуб құрамында Ресей Кубогын жеңіп алды.