«Челси» шабуылшысы Николас Джексон «Ньюкаслға» ауысқысы келеді

The Telegraph мәліметі бойынша, Николас Джексон «Челси» басшылығына клубтан кеткісі келетінін хабарлады — футболшы «Байермен» болатын жолдастық кездесуге қатысушылар тізіміне енгізілмеді.

«Ньюкасл» Беньямин Шешко мен Жоао Педроны алу сәтсіз аяқталғаннан кейін сенегалдық шабуылшыға қызығушылық танытуда. Алайда Джексонның ауысуы бір шартпен мүмкін болады — егер «Ньюкасл» Александер Исакты «Ливерпульге» жіберуге келіссе.

«Челси» шабуылшыны кем дегенде 64 миллион фунтқа сатуға дайын — бұл лондондық клуб екі жыл бұрын «Вильярреалға» төлеген соманың екі есесі.