Диого Жотаның соңғы күндері: қарапайымдылық пен тамырына адалдық тарихы

CNN мәліметі бойынша, шілде басында Испанияда бауыры Андре Силвамен бірге жол апатынан қаза тапқан Диого Жота — ерекше қарапайымдылығымен есте қалады.

«Пасуш де Феррейра» жатақханасының қызметкері Тереза Барбоса — туған қаласы Гондомардан келген 16 жасар Жотаны қарсы алған алғашқы адам болды. Негізгі командаға өтіп, жеке пәтер ұсынылғанына қарамастан, футболшы «Атлетико Мадридке» ауысқанға дейін жатақханада қалуды жөн көрді.

«Менің орнымда көпшілік басқа таңдау жасар еді, бірақ әркімнің өз жолы бар, және бұл менің қандай адам екенімді көрсетеді», — деп атап өтті Жота.

Маусым айында сүйіктісі Руте Кардозомен үйлену тойына футболшы Тереза Барбозаны отбасылық дастарханға шақырды. Сыйлықтардың орнына жұп қонақтардан жергілікті өрт сөндіру бригадасына және жануарларды қорғау ұйымдарына қайырымдылық жасауды сұрады.

«Пасуш де Феррейраның» бұрынғы президенті Пауло Менезес атап өткендей — Жота клубтан кеткеннен кейін телефон нөмірін ешқашан өзгертпеген және әрдайым байланыста болған. Футболшы балалық шағында жұмысшы ата-анасының брендтік аяқ киім алуға мүмкіндігі болмағанын есте сақтап, академияға жас ойыншылар үшін бутсыларды үнемі жіберіп тұрған.

«Ливерпуль» қорғаушысы Энди Робертсон Жотаның британдық мәдениетке керемет бейімделгенін еске алады — олар бірге дартс көріп, ат жарысына барған. «Қызылдар» сапында португалдық 182 ойында 65 гол соқты.