Дарвин Нуньес Ливерпульден Әл-Хилялға 53 миллион еуроға ауысты

Сауд Арабиясының Әл-Хиляль клубы ағылшын Ливерпулінен уругвайлық шабуылшы Дарвин Нуньесті 53 миллион еуроға трансферлеуді аяқтады.

26 жастағы шабуылшы Германиядағы маусым алды жиындарда жаңа командаға қосылып, үш жылдық келісімшартқа қол қойды. Мерсисайд клубының құрамында Нуньес 143 ойында 40 гол соқты.

«Клубтағы барлық адам Дарвинге оның үлесі үшін алғыс айтып, оған және отбасына болашақта сәттілік тілейді», — делінген Ливерпульдің мәлімдемесінде.

Уругвайлық футболшы үш жыл бұрын португалдық Бенфикадан 64 миллион фунтқа ағылшын клубына ауысқан болатын, алайда өткен маусымда Премьер-лигадағы тек сегіз ойында ғана негізгі құрамда шықты.