ESPN сарапшысы Дончичтің «Лейкерспен» қысқа келісімшартының артықшылығын түсіндірді

ESPN-нің танымал сарапшысы Стивен Эй Смит «Лейкерспен» Лука Дончичтің келісімшартын ұзарту туралы пікірін білдірді, деп хабарлайды NBA on ESPN YouTube арнасы.

«Лука Дончич – болашақ. Леброн Джеймстің бір-екі жылы қалған кезде, Луканың алдында кем дегенде он жыл жоғары деңгейде ойнау мүмкіндігі бар. Сондықтан оған инвестиция салу керек», – деді сарапшы.

Мәміле егжей-тегжейін талқылай келе, Смит ойыншының 229 миллион долларлық төрт жылдық келісімшарт немесе келесі жылғы 296 миллион долларлық әлеуетті келісімшарт орнына 165 миллион долларлық үш жылдық келісімшартты таңдағанын атап өтті.

«Ақыр соңында, үш жылдық келісімшартты таңдап, ол бірнеше жылдан кейін әлдеқайда тиімді шарттармен жаңа келісімшартқа отыра алады. Олар дұрыс шешім қабылдады», – деп қорытындылады Смит.