Кейлор Навас өз қақпасына гол соғып, «Атлантамен» ойында алаңнан қуылды

«Пумас» қақпашысы Кейлор Навас Лигалар кубогының екінші турындағы «Атлантаға» қарсы 3:2 есебімен аяқталған матчтың антикейіпкеріне айналды.

Ойынның 35-ші минутында костарикалық қақпашы қонақтар жартылай қорғаушысы Саба Лобжанидзенің пасынан кейін допты өз қақпасына кіргізіп алды — бұл тәжірибелі қақпашы үшін сәтсіз кештің басталуы болды.

Жағдай қосымша уақытта одан сайын күрделене түсті — 95-ші минутта Навас айып алаңының сыртында ережені бұзып, қарсыласының жеке шабуылын тоқтатқаны үшін тікелей қызыл қағаз алды.

Еске сала кетейік, Коста-Рика құрамасының 38 жастағы қақпашысы «Реал» мен «ПСЖ-де» ойнағаннан кейін шілде айында мексикалық клубқа ауысқан болатын.