Серия А президенті Италия чемпионатының турын АҚШ-та өткізуді жоспарлап отыр

Джанлука Ди Марцио журналисінің мәліметінше, италиялық Серия А президенті Эцио Симонелли чемпионат матчтарын елден тыс жерде өткізу бастамасын көтерді.

Ел ішіндегі трансляция құқықтары 2029 жылға дейін сатылды. Енді біз шетелдік құқықтарды сатуға назар аударуымыз керек. Сондықтан мен бірінші турды толығымен Италиядан тыс — АҚШ-та өткізгім келеді. Маған тіпті қаржылық ұсыныс та түсті.

Болашақта мұндай мүмкіндікке ие болу керемет болар еді — мүмкін, ережелер жұмсарған кезде, — деді Симонелли.