«Астана» Конференциялар лигасының қайтарма матчында «Зимбруға» екі жылдам гол соқты

«Астана» футбол клубы Конференциялар лигасының екінші іріктеу кезеңінде молдовалық «Зимбруға» қарсы қайтарма матчты сенімді бастады.

19-шы минутта Джеффри Чинеду есеп ашты — шабуылшы дәл соққымен қазақстандық команданы алға шығарды. Екі минуттан кейін Усман Камара астаналық клубтың басымдылығын еселеді.

Бір апта бұрын Астанада өткен бірінші матчта командалар тең түсті — Гай Дахан қонақтарды үзіліс алдында алға шығарса, Иван Башич екінші таймда тепе-теңдікті қалпына келтірді.

Бұл қарсыластықтың жеңімпазы келесі кезеңде «Вардар» (Солтүстік Македония) — «Лозанна» (Швейцария) жұбының мықты командасымен кездеседі.