Елена Рыбакина Монреальдегі турнирде америкалықпен түнгі матчта күш сынасады

WTA рейтингінде 12-орында тұрған Елена Рыбакина Монреальдегі турнирдің екінші айналымында әлемдік рейтингтің 50-нөмірі америкалық теннисші Хейли Баптистпен кездеседі.

Матч 31 шілде түнінде — кездесу Астана уақыты бойынша 03:00-де басталады.

Бұл жекпе-жектің жеңімпазы келесі кезеңде румыниялық Жаклин Кристиан (рейтингте 52-орын) мен чехиялық Линда Носкова (23-позиция) жұбының жеңімпазымен ойнайды.

Жеңімпазға 752 275 доллар және 1000 рейтингтік ұпай берілетін Монреальдегі беделді турнир 27 шілдеден 7 тамызға дейін өтеді. Жарыстың қазіргі чемпионы — осында қатарынан екі жыл жеңіске жеткен америкалық Джессика Пегула.