«Бернлидің» аңызға айналған шабуылшысы Вилли Ирвин дүниеден өтті

«Бернлидің» баспасөз қызметінің хабарлауынша, клуб пен Солтүстік Ирландия құрамасының бұрынғы шабуылшысы Вилли Ирвин 82 жасында дүниеден өтті.

«Бернлидің» тәрбиеленушісі Ирвин кәсіби мансабын 1962/63 маусымында бастап, «Арсеналға» қарсы тұсаукесер матчында гол соқты, ал келесі ойында «Бирмингем» қақпасына хет-трик жасады.

1965/66 маусымында Вилли Ирвин «Ливерпульдің» шабуылшысы Роджер Хантпен бірге Англияның жоғары дивизионының үздік бомбардирі атанды — екеуі де 29 голдан соқты. Жалпы «Бернли» сапында 148 матч өткізіп, 97 гол соқты.

Футболшының мансабы 23 жасында алған ауыр жарақаттан кейін үзіліске ұшырап, содан кейін «Престон Норт Энд» пен «Брайтон» клубтарында ойнап, 29 жасында мансабын аяқтады. Солтүстік Ирландия құрамасы үшін 23 матч өткізіп, 8 гол соқты.

Мансабын аяқтағаннан кейін «Бернлидің» аңызы клубтың «Терф Мур» стадионында экскурсия жүргізіп, корпоративтік іс-шараларға қатысып, жұмысын жалғастырды.