Футбол агенті Селюк Ресейдегі бапкерлердің бірнеше қызметті қоса атқаруын сынға алды

Euro-football.ru хабарлауынша, белгілі футбол агенті Дмитрий Селюк Ресей футболындағы бапкерлердің бірнеше қызметті қатар атқару тәжірибесін сынға алды.

Назар орталығында қазіргі уақытта Мәскеудің «Динамо» клубы мен Ресей ұлттық құрамасын басқарып отырған Валерий Карпин тұр — оның құрама штабындағы көмекшісі «Ростов» клубының жаттықтырушылар құрамында да жұмыс істейді.

«Егер мұндай қоса атқаруға рұқсат бере берсек, жақын арада барлық бапкерлер осылай істей бастайды. Онда мүмкін [Сергей] Семакқа „Зенитпен» қатар „Қайратты» да басқаруды ұсыну керек шығар?» — деді Селюк.

Айта кетерлігі, жақында Карпин басқаратын «Динамо» «Ростовты» 1:0 есебімен жеңіп, Премьер-лиганың жаңа маусымындағы екі турдан кейін 4 ұпай жинады.