Тоттенхэм бір күнде екі жолдастық кездесуде тең ойнады

Лондондық «Тоттенхэм» маусым алдындағы дайындық аясында екі жолдастық кездесу өткізді — команда «Уикомб Уондерерс» (2:2) және «Лутон Таун» (0:0) командаларымен тең түсті.

Бас бапкер Томас Франк әр ойынға әр түрлі бастапқы құрам шығарды. Клуб базасында өткен «Уикомбқа» қарсы алғашқы ойында Папе Матар Сарр көзге түсті — жартылай қорғаушы дубль жасап, командасын жеңілістен құтқарды.

«Кенилворт Роуд» стадионындағы екінші матчта «шпорлар» өз сәттерін жүзеге асыра алмады — құрамда жаңа ойыншы Мохаммед Кудус, сондай-ақ Мики ван де Вен, Бреннан Джонсон және Гульельмо Викарио болғанына қарамастан, команда 90 минут ішінде небәрі екі соққы жасады.