«Норвич» сенегалдық қанатшы Диаллоны 4,3 миллион фунтқа сатып алды

Ағылшын «Норвич» клубы француз «Мец» командасынан сенегалдық қанатшы Папа Амаду Диаллоны сатып алғанын жариялады — клубтың ресми сайты хабарлайды.

21 жастағы футболшы төрт жылдық келісімшартқа қол қойды, трансфер сомасы 4,3 миллион фунт стерлингті құрады. Жаңа командада сенегалдық 19-шы нөмірмен ойнайтын болады.

Өткен маусымда Диалло 28 матч өткізіп, 7 гол соқты, «Мецтің» жоғары дивизионға көтерілуіне көмектесті. Қанатшының еншісінде Сенегал құрамасы үшін жеті матч бар.

«Менің арманым әрқашан Англияда ойнау болды. Мен шынымен «Норвичті» қаладым. Клубтың жобасы мен көзқарасы мені шабыттандырады, жаңа командаластарыммен және жанкүйерлермен кездесуді асыға күтемін», — деді Диалло.

«Норвичтің» спорттық директоры Бен Наппер жаңа ойыншының жылдамдық қасиеттері мен әлеуетін атап өтті. Диалло Лиам Мэннинг командасының тоғызыншы жазғы трансфері болды.