«Оқжетпес» жанкүйері Дәмір Маратқа «Манчестер Юнайтедке» ауысуын тіледі

ҚПЛ баспасөз қызметінің хабарлауынша, «Оқжетпес» пен «Ұлытау» арасындағы 17-ші тур матчынан кейін, 1:0 есебімен аяқталған ойыннан соң көкшетаулық команданың жанкүйері жартылай қорғаушы Дәмір Маратқа сөз арнады.

«Көтеріліңдер. Дастан көтерілді. Сен өзіңді көрсете аласың. Әдемі ойнайсың. Әдемі ойнайсың. Қазақстандықтарды көтеріңдер. Біз сені «Манчестер Юнайтедтен» көргіміз келеді. Сен шығасың, мен саған сенемін. «Оқжетпес» алға», — деді жанкүйер бейнежазбада.

24 жастағы Дәмір Марат биылғы ҚПЛ маусымында «Оқжетпес» сапында 18 матч өткізді — оның еншісінде төрт гол мен үш голдық пас бар.

Бірінші лигадан жоғары дивизионға оралған «Оқжетпес» 17 тур қорытындысы бойынша ҚПЛ турнирлік кестесінде бесінші орынды иеленіп отыр.