Сәкен Бибосынов кәсіпқой бокстағы дебютінде қарсыласын нокаутпен жеңді

Бокстан әлем чемпионы, Олимпиада ойындарының жүлдегері Сәкен Бибосынов кәсіпқой бокстағы алғашқы жекпе-жегін жеңіспен бастады.

Бішкекте өткен бокс кешінде қазақстандық боксшы 23 жастағы филиппиндік Кристиан Леганмен (6-2-3, 4 KO) қолғап түйістірді. Екінші жеңіл салмақта жоспарланған алты раундтық кездесуде Сәкен айқын басымдық көрсетіп, қарсыласын нокаутқа түсірді.

Осылайша, Бибосынов кәсіпқой рингтегі жолын сенімді жеңіспен бастады.