Александр Бублик мансабындағы алғашқы ATP саз кортындағы титулын жеңіп алды

Қазақстан өкілі Александр Бублик Швейцариядағы Гштаадта өткен ATP-250 саз корты турнирінің басты жүлдесін иеленді, деп хабарлайды Sportsdaily.ru.

Финалдық кездесуде ATP рейтингінде 34-орында тұрған қазақстандық теннисші аргентиналық Хуан-Мануэль Серундолоны (ATP 109) 6:4, 4:6, 6:3 есебімен жеңді.

Бұл жеңіс Бублик үшін ерекше болды — ол алғаш рет мансабында саз кортында титул жеңіп алды. Қазақстандық спортшы үшін бұл ATP деңгейіндегі алтыншы трофей және биылғы маусымдағы екінші жеңісі.

Келесі аптаның басында жаңартылатын ATP рейтингінде Александр Бублик әлемнің үздік 30 теннисшісінің қатарына енеді.