NASCAR Чикаго көшелеріндегі жарысты тоқтатады

NASCAR Чикагодағы көше жарысын уақытша тоқтату туралы шешім қабылдады — 2026 жылы шара өткізілмейді.

Ұйымдастырушылардың ресми мәлімдемесінде:

«NASCAR Chicago Street Race жарысын әлемдік деңгейдегі ең танымал спорттық оқиғалардың біріне айналдыруға көмектескендеріңіз үшін алғыс білдіреміз. Алғашқы үш жылдың сәтті өткізілуінен кейін, біз 2026 жылы үзіліс жасап, Чикаго әкімшілігімен бірге жаңа күндер мен операциялық процестерді оңтайландыру бойынша жұмыс істейміз — 2027 жылы қала көшелеріне оралу мақсатында»

Жарыстың жеңімпаздары:

• Шейн ван Гисберген — 2023 және 2025
• Алекс Боуман — 2024

NASCAR сонымен қатар қаладан 80 шақырым қашықтықта орналасқан Chicagoland Speedway овал трассасына оралу мүмкіндігін қарастыруда. Сонымен қатар Сан-Диегода жаңа көше жарысын ұйымдастыру туралы келіссөздер жүргізілуде.