«Ордабасы» Еурокубокпен қош айтысты

Шымкенттегі Қажымұқан Мұңайтпасов атындағы стадионда Конференциялар лигасының іріктеу кезеңі аясындағы «Ордабасы» мен Кутаисидің «Торпедо» клубы арасындағы жауапты матч өтті, деп хабарлайды Meta-ratings.kz.

Кездесудің алғашқы таймында грузиялық команда сапынан Ираклий Бидзинашвили есеп ашып, қонақтарды алға шығарды — 0:1.

Екінші тайм басында «Торпедо» ойыншысы Соломон Кверквелия қызыл қағаз алып, алаңнан қуылды. «Ордабасы» негізгі уақытқа қосылған минуттарда таразы басын теңестірді — Абылайхан Жумабек мергендік танытты — 1:1.

Алайда бұл нәтиже шымкенттіктерге жеткіліксіз болды. Қос матч қорытындысы бойынша келесі кезеңге «Торпедо» жолдама алып, «Ордабасы» Еурокубокпен қоштасты.

Біздің парақшамыздан футбол матчтарының барлық нәтижелерін Live форматта бірінші болып біліңіз!