Мальта клубы Чемпиондар лигасының келесі кезеңіне 28 пенальтиден кейін өтті

UEFA.com мәліметінше, Хамрун Спартанс алғаш рет Чемпиондар лигасының екінші іріктеу кезеңіне өтті — Мальта клубы Литваның Жальгирис командасын тартысты ойында жеңді.

Бірінші матчта 0:2 есебімен жеңілген Спартанс қарымта қайтарды — команда бірінші таймда алты минут ішінде екі гол соқты. Қосымша уақыттың 114-ші минутында Жальгирис қорғаушысы Василие Раденович екінші сары қағазын алып, алаңнан қуылды.

Пенальти сериясында екі қақпашы — Спартанс капитаны Генри Бонелло мен Жальгирис қақпашысы Карлос Олсес өз соққыларын дәл орындады. Литва клубының жартылай қорғаушысы Эбенезер Офори шешуші соққыны қақпадан тыс жіберді, ал Йован Чаденович мальталықтарға жеңіс әперді — 11:10.

Келесі кезеңде Хамрун Спартанс украиналық Киев Динамосымен кездеседі. Бұл пенальти сериясы еуропалық турнирлер тарихындағы ең ұзақтарының бірі болды — командалар 28 он бір метрлік соққы орындады.