Виктор Вембаньяма дәрігерлерден алаңға оралуға рұқсат алды

L’Equipe мәліметі бойынша, Виктор Вембаньяма лақтыратын қолының иығындағы тромб мәселесінен кейінгі оңалтудан сәтті өтті.

Маған ресми түрде алаңға оралуға рұқсат берілді. «Сперс» дәрігерлері жасыл жарық берді. Ақыры мен қайтадан баскетбол ойнай аламын! — деді 21 жастағы форвард.

Француз баскетболшысы 2024/25 маусымын ақпан айында — НБА-ның Барлық жұлдыздар матчынан оралған соң мерзімінен бұрын аяқтады. Қалпына келтіру кезеңіне байланысты Вембаньяма алдағы Еуробаскет-2025-те ұлттық құрамаға көмектесе алмайды.