«Қайрат» — «Олимпия» Чемпиондар лигасындағы матч: трансляцияны қайдан көруге болады

Бүгін алматылық «Қайрат» Чемпиондар лигасының бірінші іріктеу кезеңінің қайтару матчында словениялық «Олимпияны» қабылдайды — кездесу Алматының Орталық стадионында сағат 20:00-де италиялық төреші Маттео Маркеттидің басшылығымен басталады.

Матч қазақстандық телеарналарда көрсетілмейді — алматы клубы көрсетілім үшін төлем сұраған, оны мемлекеттік телеарналар қамтамасыз ете алмады.

Бірінші матчта командалар тең түсті — 1:1, алматылықтар атынан голды Дастан Сатпаев соқты. Бұл қарсыластықтың жеңімпазы келесі кезеңде КуПС (Финляндия) — «Милсами» (Молдова) жұбының мықтысымен кездеседі.