Newcastle Айнтрахт шабуылшысы Уго Экитикеге қызығушылық танытты

BBC Sport мәліметінше, Ньюкасл Франкфурт «Айнтрахтының» шабуылшысы Уго Экитикеге қызығушылық танытуда — әлеуетті трансфер сомасы 70 миллион фунт стерлингтен асуы мүмкін.

23 жастағы француз шабуылшы өткен жазда «Пари Сен-Жерменнен» жалға алынғаннан кейін Франкфурт клубына ауысып, өз нәтижелілігімен таң қалдырды — 15 гол мен 8 нәтижелі пас команданың Бундеслигада үшінші орын алуына көмектесті.

Сонымен қатар «сауысқандар» еуропалық клубтардың, соның ішінде «Ливерпульдің» қызығушылығына қарамастан, Александер Исактан бас тартуға ниетті емес. «Реал Сосьедадтан» клуб үшін рекордтық 63 миллион фунтқа ауысқан 25 жастағы швед команданың негізгі ойыншысы болып қала береді.

Айта кетейік, өткен аптада «Ньюкасл» құрамын «Ноттингем Форесттен» Энтони Эланганы 55 миллион фунтқа алып күшейтті — клуб Премьер-лигада бесінші орын алғаннан кейін Чемпиондар лигасында өнер көрсетуге белсенді дайындалуда.