Синнер Уимблдон финалындағы жеңісінен кейін Алькараспен сөйлесті

Әлемнің бірінші нөмірлі ракеткасы Янник Синнер Уимблдон финалында испаниялық Карлос Алькарасты жеңді.

Матчтан кейін турнирдің басты жүлдесін иеленген италиялық теннисші қарсыласына арнап сөз сөйледі:

Ең алдымен Карлосқа алғыс айтқым келеді. Сен керемет турнир өткіздің. Сен тамаша ойыншысың. Сонымен қатар, корттан тыс жерде біздің қарым-қатынасымыз өте жақсы екенін атап өткім келеді. Ал кортта біз жай ғана шығып, кімнің мықты екенін көрсетуіміз керек.

Синнер өз жеңісінен алған әсерімен де бөлісті:

Менің жеңісім көбінесе эмоционалды деп ойлаймын… Өйткені Парижде мен ауыр жеңіліс таптым. Ал қазір — мен денсаулығым жақсы екеніне және айналамда керемет адамдар бар екеніне қуаныштымын, бұл ең бастысы.