«Спартак» бас директоры Угальде мен Барконың болашағын түсіндірді

Мәскеу «Спартагының» бас директоры Олег Малышев шабуылшы Манфред Угальде мен жартылай қорғаушы Эсекиэль Барконың жағдайын түсіндірді, деп хабарлайды «Матч ТВ».

Басшының айтуынша, Ресей чемпионатының үздік бомбардирі Угальдеге басқа клубтар қызығушылық танытуда, алайда «Спартакты» қанағаттандыратын ұсыныстар әзірге түскен жоқ.

«Эсекиэль біз үшін маңызды ойыншы, онымен келісім-шартымыз бар, ол керемет футболшы. Біз оған үлкен үміт артамыз», — деді Малышев.

Отбасылық жағдайларға байланысты Барконың кетуі туралы қауесеттерге қатысты қызыл-ақ клубтың бас директоры түсініктеме беруден бас тартты — ол футболшының толық матч ойнағанын және команда жоспарында қалатынын атап өтті.