Бернли даниялық қанатшы Брюн Ларсенмен тұрақты келісімшарт жасасты

Якоб Брюн Ларсен ресми түрде «Бернли» ойыншысы атанды — клуб «Штутгартпен» даниялық қанатшының трансфері туралы келісімге келді, бірақ соманы жария етпеді.

26 жастағы футболшы өткен маусымды «Бернлиде» жалға алынып өткізген болатын, енді клубпен төрт жылдық келісімшартқа қол қойды. Алдыңғы кезеңде ол чемпионатта 32 ойында алты гол соқты.

«Қайта оралғаныма өте қуаныштымын. Клубтың қызығушылығын білген кезде, шешім қабылдау оңай болды — тұрақты келісімшартқа қол қоюға дайын екенімді бірден түсіндім. Терф Мур алаңына қайта шығып, жанкүйерлерді көруді асыға күтемін», — деді Брюн Ларсен.

Ұлттық құрама үшін жеті матч өткізген даниялық футболшы мансабын дортмундтық «Боруссияда» бастаған, сондай-ақ «Хоффенхайм» мен «Андерлехтте» ойнаған.