Шавкат Рахмонов өзіне қымбат көлік сатып алды

UFC ұйымындағы жеңілмеген қазақстандық файтер Шавкат Рахмонов желіде жеке өміріне қатысты жағымды жаңалығымен бөлісті. Ол 2025 жылғы Mercedes G-классты жол талғамайтын көлікті сатып алғанын көрсетті. Бұл көліктің Қазақстандағы бағасы 145 миллион теңгеден басталады.

Жаңа темір тұлпардың суретін жүктеген Рахмонов: «Егер өзіңе сыйлық жасамасаң, сені ешкім ойламайды», – деп жазба қалдырды. Кадрлардан көліктің ерекше комплектациясы бары байқалады. Демек, нақты бағасы бастапқы сомадан әлдеқайда жоғары болуы мүмкін.

Айта кетейік, Шавкат Рахмонов UFC-де әлі жеңілмеген. Ол соңғы жекпе-жегін былтыр күзде ирландиялық Иэн Гэрриге қарсы өткізіп, төрешілер шешімімен жеңіске жеткен болатын. Қазіргі уақытта оның келесі жекпе-жегі туралы ресми ақпарат жоқ, дегенмен жанкүйерлер арасында қызығушылық әлі де жоғары.