Тоттенхэм Брентфордтың шабуылшысы Йоане Виссаға қызығушылық танытуда

BBC Sport мәліметінше, «Тоттенхэм» «Брентфорд» шабуылшысы Йоане Виссаны қатарына қосу мүмкіндігін қарастыруда.

ДР Конго құрамасының 28 жастағы шабуылшысы — қазір «шпорларды» басқарып отырған бұрынғы бапкері Томас Франкпен қайта бірігуі мүмкін. Футболшының «аралармен» келісімшарты келесі жазда аяқталады, бірақ клубтың тағы бір жылға ұзарту мүмкіндігі бар.

«Брентфорд» Виссаны сатуға құлықсыз — клуб бас бапкер Франк, капитан Кристиан Нергор және қақпашы Марк Флеккеннен айырылып қалған. Сонымен қатар, «Манчестер Юнайтед» Брайан Мбемоның трансфері бойынша келіссөздер жүргізуде.

Өткен маусымда 20 гол соққан Висса қаңтар айында «Ноттингем Форестке» ауысуы мүмкін еді, бірақ мәміле жүзеге аспады. «Тоттенхэм» шабуыл шебін күшейту үшін «Вест Хэмнің» ойыншысы Мохаммед Кудустың кандидатурасын да қарастыруда.