Амстердам соты Проместің қамау мерзімін ұзартып, істі қарауды кейінге қалдырды

Амстердам апелляциялық соты Мәскеудің «Спартак» клубының бұрынғы жартылай қорғаушысы Квинси Проместің алдын ала қамау мерзімін ұзарту туралы шешім қабылдады, деп хабарлайды ТАСС.

Қамау мерзімін ұзартудың негізгі себебі — футболшының елден тыс жерге қашып кету ықтималдығы.

«Қамаудан босатуды қажет ететін ерекше жеке жағдайлар анықталған жоқ», — деді төрағалық етуші судья Роб Хефферт.

Істі келесі қарау 2026 жылға ауыстырылды. Еске сала кетейік, Промес бір ай бұрын БАӘ-ден Нидерландыға экстрадицияланған болатын. Бұған дейін Амстердам соты футболшыны сырттай 7,5 жылға соттаған — есірткі контрабандасын ұйымдастырғаны үшін 6 жыл және немере ағасына пышақпен шабуыл жасағаны үшін 1,5 жыл.