Англияның футбол қауымдастығы трансгендер спортшыларға қойылатын талаптарды күшейтті

Англияның футбол қауымдастығы (FA) Ұлыбританияның Жоғарғы сотының сәуір айындағы қаулысынан кейін ерлер жарыстарына қатысқысы келетін трансгендер ерлерге жаңа талаптар енгізді.

Жаңартылған ережелерге сәйкес, спортшылар өздерінің биологиялық мәртебесін және биологиялық ерлерге қарсы ойын кезінде жарақат алу қаупін мойындау туралы декларацияға қол қоюы керек. Сонымен қатар қандағы тестостерон деңгейін 7,7-29,4 наномоль/литр аралығында ұстау талап етіледі.

«Мен биологиялық әйел емеспін, мен еркекпін. Көптеген трансгендер ерлердің мұндай тұжырымдамасы бар құжатқа қол қоюға келісетініне күмәнданамын — бұл жасырын тыйым сияқты», — деп жағдайға трансгендер футболшы анонимді түрде түсініктеме берді.

FA 2026-27 маусымына аралас лигалар құруды жоспарлап отыр және ойнай алмайтындарға жаттықтырушы немесе төреші ретінде футболда қалуды ұсынады. Сондай-ақ қауымдастық өзгерістерден зардап шеккен спортшыларға Sporting Chance клиникасы арқылы психологиялық қолдау ұйымдастырды.