PARIVISION CS2 құрамына жаңа ойыншы қосты

PARIVISION киберспорт ұйымы CS2 құрамына жаңа ойыншы қосылғанын жариялады — командаға райфлер Андрей «AW» Анисимов қосылды.

«Андрей — жас әрі талапты ойыншы. Ол біздің ойын көзқарасымызға сай келеді және ол құрамға алдағы маусымда мақсаттарға жетуге көмектеседі», — деді PARI Esports CEO-сы Сергей Гламазда.

Жаңартылған құрамда капитан рөлін Джами «Jame» Али атқарады — оның тәжірибесі жас ұжымның дамуында шешуші фактор болады. Андрей «AW» Анисимов бұрын қосалқы құрамға ауыстырылған Алексей «Qikert» Голубевтің орнын басты.

PARIVISION жаңартылған құрамының алғашқы турнирі 1-13 шілде аралығында өтетін Exort The Proving Grounds Season 2 болады — команда плей-офф кезеңіне тікелей шақыру алды.