Эдмонтон Кертис Лазармен бір жылдық келісімшартқа отырды

«Эдмонтонның» ресми сайтының хабарлауынша, клуб Кертис Лазармен бір жылдық келісімге қол қойды — шабуылшының жылдық жалақысы 775 мың долларды құрайды.

Өткен маусымда 30 жастағы шабуылшы «Нью-Джерси» сапында өнер көрсетті — 48 кездесуде екі шайба соғып, үш нәтижелі пас берді, пайдалылық көрсеткіші «минус 6» болды.

Лазардың НХЛ-дегі мансабында бірнеше команда бар — «Ванкувер», «Бостон», «Калгари» және «Оттава». Айта кетерлігі, хоккейші «Эдмонтон» жүйесімен таныс — 2010-2014 жылдары ол «Ойл Кингс» жастар командасында ойнап, WHL чемпионатын екі рет және Мемориалдық кубокты жеңіп алған.