АПЛ-дің экс-төрешісі Юрген Клоппты қорлағаны үшін айыпталды

Англияның футбол қауымдастығы Премьер-лиганың бұрынғы төрешісі Дэвид Кутқа «Ливерпульдің» экс-бапкері Юрген Клопп туралы орынсыз пікірлері үшін айып тақты.

42 жастағы төреші неміс маманы туралы қорлайтын пікірлері бар видео әлеуметтік желілерде пайда болғаннан кейін жеті ай бұрын жұмыстан шеттетілген болатын. Оқиғадан бір ай өткен соң АПЛ-дегі төрешілікке жауапты PGMOL ұйымы ішкі тергеу нәтижесінде Кутты жұмыстан босатты.

FA тағылған айыптар E3.1 ережесін бұзумен — орынсыз мінез-құлық және қорлайтын сөздерді қолданумен байланысты. Видеода Клоптың ұлтын атап өту ауырлататын жағдай ретінде жіктелетіні бөлек атап өтілді.

Алайда Куттан келісілген ойындарға қатысы бар деген күдік алынып тасталды. Бұған дейін төрешінің матч алдында ойыншыға сары қағаз көрсетуді талқылағаны туралы ақпарат тараған.

«Бұл айыптар жалған және менің беделіме нұқсан келтіреді», — деді ноттингемширлік төреші.

Жыл басында УЕФА да ЕВРО-2024 кезінде түсірілген видеодан кейін Кутты 2026 жылдың жазына дейін еуропалық турнирлерде жұмыс істеуден шеттетті.