Карпин Дзюбаның Ресей құрамасындағы болашағы туралы айтты

«РБ Спорт» хабарлауынша, Ресей құрамасының бас бапкері Валерий Карпин растады — Артем Дзюбаның наурыздағы Гренадамен матчқа шақырылуы бір реттік акция болған.

Шабуылшының ұлттық құрамаға оралу мүмкіндігі туралы сұраққа бапкер — құрама ресми жарыстарға жіберілмейінше, мұндай қажеттілік жоқ деп жауап берді.

«Егер бізді ресми жарыстарға жіберсе — бәрі де мүмкін», — деді Карпин.

Маман құрамаға үміткерлерге қойылатын негізгі талапты да еске салды — ойыншы Премьер-лигада өнер көрсетуі керек.

Журалистің Дзюбамен командада «көңілдірек» деген ескертуіне Карпин әзілмен — «Тольяттиге барып, сонда көңіл көтеріңіздер» деп кеңес берді.